Бэс ыйын 18 күнүгэр Хатын-Чаран паркаҕа Хатын-Арыы нэһилиэк үрүн тунах уйгулаах ыһыаҕын ыста. Ыһыах күн айылҕабыт санаабытын курдук маанылаан күннээх көрустэ. Ыһыах арчылааһынтан саҕаланна. Кэлбит дьону, ыһыах кыттыылаахтарын, ыалдьыттарын Алгыс Бүөтүр алгыстаан амалыйда. Дьэ ол кэннэ дьону сэргэни улуус уонна нэһилиэк баһылыктара эҕэрдэлээтилэр наҕараада туттардылар. Уопсай арыллыы быйыл кыайыы 80 сылыгар ананан улахан театрализованнай дьүһүйүүннэн киэргэттэ. Арыллыытыгар кыттыыны ыллылар нэһилиэктэн уопсайа оҕолуун улаханныын 200-чэ киһи. Дьүһүйүү кэннэ дьон сэргэ кыайыы оһуохайын оройуттан туттулар. Барыта үчүгэй түргэн баҕайытык биир тыынынан ааста. Эбиэт кэннэ араас түһүлгэлэринэн конкурстар буоллулар. «Сайдыы»култуура дьиэтэ фольклор түһүлгэтигэр «Уруйдаах тойукпут дуорайдын» тойук уонна «Чэйин эрэ оһуохайдаан ойуоҕун» оһуохай конкурсун тэрийэн ыыттыбыт. Кыайыылаахтар сыаналаах бириистэринэн наҕараадаланнылар.